УХХ Украина православ черковининг раҳбарларидан бири гумон остида эканини маълум қилди

Украина хавфсизлик хизмати Украина православ черкови (УПЧ)нинг (собиқ Москва Патриархияси) ташқи черков алоқалари бўйича синодал бўлими раиси ўринбосари Жиноят кодексининг икки моддаси бўйича гумон қилинаётгани ҳақида хабар беради.

Хабарда унинг исми кўрсатилмаган, аммо «Украинская правда» нашрига кўра, сўз жума куни уйи тинтув қилинган протоиерей Николай Данилевич ҳақида бормоқда.

Украина хавфсизлик хизмати (УХХ) маълумотларига кўра, у Россиянинг Украинага қарши тажовузкорлигини оқлаган ва диний нафратни қўзғатган, хусусан, Россия ҳарбийларининг «саломатлиги ва фаровонлиги учун ибодат қилишга» чақирган.

«Тезкор маълумотларга кўра, руҳоний чет элда УПЧ (МП) епархияларининг кенг тармоғини бошқарган. Бу муассасалар гўёки украиналик муҳожирлар устидан маънавий васийлик ниқоби остида Россия Федерациясининг тарғибот нарративларини тарқатмоқда, – дея хабар беради УХХ. – Шу тариқа гумондор хориждаги украиналикларнинг онгига таъсир ўтказишга ва халқаро майдонда мамлакатимизни обрўсизлантиришга уринди”.

Шунингдек, разведка хизматининг қўшимча қилишича, тинтувлар давомида Россиянинг мажбурий пенсия суғуртаси бўйича суғурта гувоҳномаси, шунингдек, Россия ТИВ Дипломатик академиясида малака оширганлик ҳақидаги ҳужжатлар топилган.