Зеленский Японияда Украинани қайта тиклаш бўйича конференциядаги чиқишини бекор қилди
Украинани қайта тиклаш бўйича Токиода бўлиб ўтаётган конференцияда Владимир Зеленскийнинг чиқиши бекор қилинди, деб ёзади “Коммерсантъ”. Зеленский унда видеоалоқа орқали нутқ сўзлаши кутилаётган эди.
“Украина томонидан баён қилинган сабабларга кўра видеомурожаат трансляцияси бекор қилинди”, — дея маълум қилди тадбир модераторлари YouTube орқали трансляция чоғида. Улар нутқ билан чиқишдан бош тортилиши сабабларига аниқлик киритмади.
Япония Украина вакиллари иштирокида икки томонлама конференция ташкил қилди. Тадбирда Япония бош вазири Фумио Кисида ва унинг украиналик ҳамкасби Денис Шмигал нутқ сўзлади. Конференцияда 200 га яқин Япония ва Украина компаниялари вакиллари иштирок этади. Шунингдек, унга G7 мамлакатларининг Токиодаги элчихоналари вакилларини таклиф этиш ҳам режалаштирилган эди.
Украинага Япония томонидан ажратилган маблағ миқдори 7,6 миллиард доллардан ошади. Токиодаги конференция якунлангач, Токио Киевга 106 миллион долларлик янги ёрдам пакетини тақдим этишни режалаштирмоқда. Япония ҳукумати шунингдек, Украинага бизнес вакиллари сафарларига қўйилган чекловларни юмшатиш имкониятини кўриб чиқмоқда.
If you have found a spelling error, please, notify us by selecting that text and pressing Ctrl+Enter.
Тавсиялар
Ҳинд зираворларида заҳар топилди: улар бутун дунё бўйлаб етказилган бўлиши мумкин
Каспий денгизига 1 млрд кубометр тошқин сувлари йўналтирилди
БМТнинг Инсон ҳуқуқлари бўйича қўмитаси Россияга қарши даъво тақдим этди: уни Суриядаги касалхонага онгли равишда ҳужум қилишда айблашмоқда
ЕТТБ Хоразм вилоятида автойўлни реконструкция қилишга 238 млн долларгача миқдорда кредит тақдим этади
“Биз Ўзбекистонни ЖСТга қўшишни истаймиз” – ЕИнинг Ўзбекистондаги элчиси
USD
EUR
RUB
Шарҳлар