Toshkentda Mudofaa vazirligi qo‘shinlari harbiy bo‘linmalarining piyoda yurishlari tashkil etildi (video)

Mudofaa vazirligi qo‘shinlari harbiy bo‘linmalarining piyoda yurishlari tashkil etildi, deb xabar bermoqda O‘zA.

Ikkinchi jahon urushida qozonilgan g‘alabaga hissa qo‘shgan barcha urush va front orti mehnat faxriylariga yuksak hurmat-ehtirom ko‘rsatish, yurt himoyachilarining Vatanga sadoqatini namoyish etish hamda aholi, ayniqsa, yoshlarda faxr va iftixor tuyg‘ularini oshirish maqsadida Xotira va qadrlash kuni munosabati bilan Toshkent shahrining asosiy ko‘chalarida Mudofaa vazirligi qo‘shinlari harbiy bo‘linmalarining namoyishkorona piyoda yurishlari tashkil etildi.