“Тошкентдан гапирамиз” иммерсион спектакли ҳақида

“Тошкент гапирамиз” аудио променад жанридаги иммерсион спектакль бўлиб, унда театр постановкаси, квест ва саёҳат ўзаро уйғунлашган. Қизиқарли сюжет, ҳажмли овоз, жалб этилганлик сайёҳатчиларга пойтахтнинг диққатга сазовор жойлари ва яширин шаҳар бурчакларини янги ва кутилмаган томондан кўришга ёрдам беради. Anhor.uz лойиҳа бўйича бош ижрочи Фотима Арифжонова билан суҳбатлашди.

Аудиоспектакль нима ва у Тошкентда қандай пайдо бўлган

Шаҳар кўчалари бўйлаб юриладиган аудиоспектакль шакли бутун дунёда маълум. Тингловчи қулоқчин тақиб, шаҳар кўчалари бўйлаб саёҳатга чиқади, улар декорация вазифасини бажаради. Шундай спектакллар орқали тингловчи шаҳарнинг тарихи ва муҳитига тўлиқ шўнғийди.

Пойтахт кўчалари бўйлаб аудиоспектакль намойиш этиш ғоясини Фотима Арифжонова узоқ вақтдан буён пишитиб келарди.

“Тошкент нафақат чет эллик, балки мамлакат ичидаги сайёҳлар эътиборидан ҳам ноҳақ равишда маҳрум, -дейди Фатима Арифжонова. – Шунинг учун туризмни ривожлантириш мақсадида  янги ғоялар, йўналишлар ва замонавий шакллар керак”.

“Тошкентдан гапирамиз” лойиҳасининг танланган йўналиши идрок этиш ва ахборотни ўзлаштириш нуқтаи назаридан қулай бўлиб, Фотиманинг фикрича, тошкентликларнинг севимли йўналиши ҳисобланади: “Спектакль иштирокчиларининг кўпчилиги ушбу жойларни яхши кўришлари ва уларни янгидан кашф қилишлари таъкидланади”.

Спектакллар 2023 йил июнь ойидан бошлаб ўтказилмоқда, икки ой ичида иммерсион променадда 1500 киши иштирок этди.

Аудиоспектакль рус ва инглиз тилларида олиб борилади, шунинг учун чет элликлар ҳам променадда иштирок этиши мумкин. Ташкилотчилар режасида ўзбек ва корейс тилларида ҳам спектакллар ўтказиш мавжуд.

Фотосурат: “Тошкентдан гапирамиз” архиви

Спектакль иштирокчиларининг хавфсизлигини администратор кузатиб боради. Тингловчилар жараёнга шунчалик чуқур кириб кетадилар-ки, тўсиқни ёки автомобилни кўрмасликлари мумкин, шунинг учун администратор доим хушёр бўлиб, жараённи назорат қилади.

Спектакль кўп овозли, унда профессионал актёрлар  Тошкентнинг оддий аҳолиси овозининг кичик парчалари билан овоз берган.

Спектаклда Тамарахоним ҳақидаги ҳужжатли фильмлардан парчалар, Марк Вайль, Элёр Ишмуҳаметов, Али Хамраев билан суҳбатдан кўчирмалар ва телевидение архивидан материаллар ҳамда Дина Рубинанинг “Кўчанинг қуёшли томонида” романидан парчалар ишлатилган. Рубина асаридан парчаларни спектаклда ишлатишга розилик берган: “Бу менинг Тошкентга ҳадям”, -деганди Рубина.

“Спектаклнинг ўзи ҳақида батафсил гапиришни истамасдим. Одамлар келиб тингласалар яхшироқ. Битта нарсани айтаман – бу юракка таъсир қилади”, – дейди Фотима Рустамовна.

Чиптани йиғилиш жойида сотиб олиш ёки лойиҳа веб-сайтидаги тегишли бўлимдан топиш мумкин. Спектакллар режа асосида белгиланган кунларда 17 кишидан иборат гуруҳ учун ўтказилади. Ташкилотчилар аудиоспектаклни қулай пойабзалда томоша қилишни тавсия этади.

“Ўз тарихимизни билишимиз, у ҳақда бутун дунёга гапириб беришимиз ва етказишимиз лозим”, деб ҳисоблайди Фотима Арифжонова.

Дарья Пензова