Япония фуқаролари учун виза режими кенгайтирилди
Ўзбекистон ҳукумати Япония фуқаролари учун республикага амалдаги визасиз кириш режимини эркинлаштириш тўғрисида қарор қабул қилди. Бу ҳақда Norma.uz хабар беради.
2020 йил 1 мартдан бошлаб Япония ТИВ томонидан берилган дипломатик ва расмий паспорт эгалари ҳисобланган Япония фуқаролари учун паритет асосида Ўзбекистонга визасиз кириш режими жорий этилади. Улар дипломатик ёки консуллик фаолиятини, Япония ҳукумати вазифаларини бажариш билан боғлиқ Ўзбекистонда бўлиш муддатига ушбу режимдан фойдаланишлари мумкин. Бу ҳолда визасиз режим улар билан бирга яшайдиган турмуш ўртоғи, рафиқаси ва вояга етмаган болаларига нисбатан ҳам қўлланади.
Ўзбекистонга бошқа мақсадларда ташриф буюрувчиларга эса 90 кунгача визасиз режим жорий этилади. 2018 йил 10 февралдан ушбу муддат 30 кунни ташкил этарди.
Янги тартиб Ўзбекистонга меҳнат, касб ёки бошқа фаолият, шу жумладан туризм ва мукофотланадиган спорт тадбирлари ёхуд доимий яшаш учун келадиган Япония фуқароларига тааллуқли бўлмайди.
If you have found a spelling error, please, notify us by selecting that text and pressing Ctrl+Enter.
Тавсиялар
Бельгия 2024 йил охиригача Украинага F-16 самолётларини ва ҳаво ҳужумидан мудофаа воситаларини етказиб беришни режалаштирмоқда
Ўзбекистон олимпия терма жамоаси U23 Осиё кубогида саудияликларни 2:0 ҳисобида мағлуб этиб, ярим финалга чиқди
Байден Трамп билан дебатларда қатнашишга тайёрлигини билдирди
Путин Ariston ва Bosch компанияларининг Россиядаги шўъба корхоналарини “Газпром” тузилмасига ўтказди
Путин Украинадаги уруш қатнашчилари келгусида ўзларини ҳокимият органларида “намоён этишини” билдирди
USD
EUR
RUB
Шарҳлар