Қашқадарё вилоятида экоинспекторлар томонидан 78 та кесилган ва 114 та шикастланган Зарафшон арчаси аниқланди

Қашқадарё вилояти Экология ва атроф-муҳитни муҳофаза қилиш бошқармаси Деҳқонобод туман назорат инспекцияси инспекторлари томонидан  Деҳқонобод Давлат ўрмон хўжалиги Сарғаёта ўрмон бўлимининг 1-сарҳадида экологик назорат рейдини ўтказди. Рейд давомида ушбу ҳудудда табиий ҳолда ўсган Зарафшон арчасининг 78 тупи таг қисмидан кесилганлиги ва 114 тупи ўсишдан тўхтамас даражада шикастлантирилганлиги аниқланди, дея хабар беради Давлат экология қўмитасининг матбуот хизмати.

Ҳолатни ўрганиш жараёнида табиатга 99 млн 954 минг сўм зарар етказилганлини аниқланди. Ушбу  зарарни ундириб олиш учун тегишли тартибда  ҳужжатлар расмийлаштирилиб, Деҳқонобод туман прокуратурасига ўтказилди.