Элдор Шомуродов “Кальяри” жамоасига ўтиши мумкин

Футбол бўйича Ўзбекистон терма жамоаси сардори Элдор Шомуродов Сардиния клубининг доимий аъзосига айланиши мумкин.

Қатардаги Осиё кубогини ўтказиб юборган спортчи жароҳатидан фориғ бўлгач, Клаудио Раньери жамоасининг ҳужумдаги энг ишонган футболчисига айланди. Шомуродовнинг трансфер ҳуқуқлари “Рома”га тегишли.

Хабарга кўра, “”Кальяри” жамоаси эса 28 ёшли ҳужумчини буткул ўз жамоаси таркибига қўшиб олмоқчи. “Рома” ва “Кальяри” ўртасидаги шартномада Элдор Шомуродовни сотиб олиш опцияси мавжуд бўлиб, ҳозирда сардинияликлар уни фаоллаштириш имкониятини кўриб чиқмоқда”.  

Э.Шомуродов шу пайтгача сардинияликлар сафида А Сериянинг 18 та ўйинида иштирок этиб, 3 та гол урган ва 3 та ассистга муаллифлик қилган.