Кичик бизнес субсидиялар ва кафолатларга эга бўлади

Ўзбекистонда кичик бизнес субсидиялар ва кафолатларга эга бўлади. 1 июлдан бошлаб кредит ва лизинг бўйича фоиз ставкаларининг бир қисмини қоплаш учун компенсация берилади. Қоплаш лимити – уч йилгача муддат билан асосий ставканинг 30%. Субсидиянинг асосий шартлари: лойиҳа суммаси 5 миллиард сўмдан, фоиз ставкаси эса Марказий банк асосий ставкасининг 1,5 баробаридан ошмаслиги керак. Бу ҳақда “Спутник” нашри ёзади.

Шунингдек, Тадбиркорликни қўллаб-қувватлаш давлат жамғармаси, агар умумий сумма 2,5 миллиард сўмдан ошмаса, 50 фоизгача миқдордаги кредитлар бўйича кафил бўлади.

Олис маҳаллаларда тадбиркорликни ривожлантиришга кўмаклашаётган тадбиркорларга 75 фоизгача кафиллик кафолатланади.