Нодирбек Абдусатторов “Superbet Poland 2024” турнирида иштирок этади

Ўзбекистонлик гроссмейстер Нодирбек Абдусатторов Варшавада бўлиб ўтадиган “Superbet Rapid & Blitz Poland 2024” турнирида иштирок этади, деб хабар бермоқда Grandchesstour.

Турнир 7-12 май кунлари бўлиб ўтади. Соврин жамғармаси 175 минг долларни ташкил қилади, ғолиб эса 40 минг доллар олади. Ўзбекистонлик шаҳматчи илк ўйинни 8 май куни ўтказади.

Турнирда Абдусатторовдан ташқари яна қуйидаги гроссмейстерлар иштирок этади:

• Магнус Карлсен (Норвегия);
• Вей Йи (Хитой);
• Ян-Крзйсзтоф Дуда (Полша);
• Рамешбабу Прагнанандҳа (Ҳиндистон);
• Аниш Гири (Нидерландия);
• Аржун Эригаиси (Ҳиндистон);
• Доммаражу Гукеш (Ҳиндистон);
• Винсент Каймер (Германия);
• Кирилл Шевченко (Руминия).