Трамп: Эрон 60 кун ичида ядро қуролини олади

АҚШнинг собиқ Президенти Дональд Трамп Американинг амалдаги раҳбари Жо Байденнинг ташқи сиёсати мамлакатни учинчи жаҳон урушига олиб бораётганини айтди. Шунингдек, у Эрон 60 кун ичида ядро қуролини олишини ҳам таъкидлаб ўтган.

«Мамлакатимизда тартибсизлик, чегараларимиз очиқ ва хавфли. Биласизми, тўққиз ой узоқ вақт. Бу даврда сизда учинчи Жаҳон уруши бошланиши учун жуда яхши имконият бор, чунки бизда ўз ишини тўғри бажармаётган одам бор», – деган Трамп Fox Sunday Morning Futures нашрига берган интервюсида. Бундан ташқари, у Эрон яқин икки ой ичида ядро қуролини олиши ҳақида огоҳлантирган.