Ўзбекистон Европадан 13 та ҳаво кемасини импорт қилди

Январь ойида Ўзбекистонга хориждан умумий қиймати 633,1 миллион долларлик 13 та ҳаво кемаси келтирилди, дея хабар беради Президент ҳузуридаги Статистика агентлиги.

Энг қиммат самолётлар Германиядан келган. Етказиб бериш хизматлари бешта давлатга тўғри келган:

Германия – 6 та самолёт (421,7 млн доллар);

Литва – 4 (66,7 млн. доллар);

Франция – 1 (64,3 миллион доллар);

Сингапур – 1 (61,6 млн. доллар);

Буюк Британия – 1 (18,8 млн. доллар).

Самолёт моделлари ошкор этилмаган.