Ўзбекистонда ижтимоий суғурта жамғармасини ташкил қилиш режалаштирилмоқда

Ўзбекистон Президентининг фармони лойиҳаси билан 2022-2030 йилларга мўлжалланган аҳолини ижтимоий муҳофаза қилиш миллий стратегиясини тасдиқлаш режалаштирилмоқда. Ҳужжат Молия вазирлиги томонидан ишлаб чиқилган бўлиб, 3 июнга қадар жамоатчилик муҳокамаси учун веб-сайтга жойлаштирилди, деб ёзади “Спутник” нашри.

Фуқароларни бахтсиз ҳодисалардан, иш жойини йўқотишдан ва бошқа молиявий йўқотишлардан ҳимоя қилиш учун Ижтимоий суғурта жамғармаси ташкил этилади.

Хусусан, биринчи босқичда 2022 йил 1 сентябрдан бошлаб 6 ойлик узлуксиз иш стажига эга бўлган аёлларга ойлик энг кам истеъмол харажатлари миқдоридан келиб чиққан ҳолда давлат бюджети маблағлари ҳисобидан ҳомиладорлик ва туғиш нафақалари тўланади. Бунда ишловчи аёлларга ҳомиладорлик ва туғиш нафақасининг қолган суммасини тўлаш иш берувчилар ҳисобидан амалга оширилади. Бундай тўлов аёлнинг иш стажи ва иш ҳақига қараб белгиланади.

Стратегиянинг иккинчи босқичида 2024 йилдан бошлаб аёллар умумий иш стажи ва суғурта муддатидан келиб чиққан ҳолда, шунингдек, ўртача иш ҳақи миқдоридан келиб чиққан ҳолда ҳомиладорлик ва туғруқ бўйича нафақа олиш ҳуқуқига эга бўлиши назарда тутилган. Харажатлар тўлиқ иш берувчи томонидан қопланади.

2025-2030 йилларда миллий стратегияни амалга оширишнинг учинчи босқичида вақтинча меҳнатга қобилиятсизлик нафақалари, ишсизлик нафақалари, ишлаб чиқаришдаги бахтсиз ҳодисалар ва касб касалликлари билан боғлиқ суғурта тўловлари тўланиши бошланади.