“Grand Road Tashkent” Тошкент шаҳридаги Навоий кўчасини таъмирлашда давом этади. Бу бизга қанчага тушади?

Навоий кўчаси “Grand Road Tashkent” МЧЖ ҚК томонидан таъмирланади, бу ҳақда давлат харидлари портали маълумотларидан аён бўлди. Йўлларни жорий таъмирлаш бўйича танлов ўтказиш тўғрисидаги ҳокимнинг қарори 2021-йил 22-февралда қабул қилинган эди. Танлов комиссиясининг йиғилиши 2021 йил 8 апрелда бўлиб ўтган ва унда учта таклиф ичидан “Grand Road Tashkent” МЧ ҚК билан 1,1 миллиард сўмлик шартнома тузилган.

2021 йил 1 июлдаги қўшимча келишувдан кўриниб турибдики, ишларнинг қиймати 949 миллион сўм миқдорида белгиланган.

Кўчани таъмирлаш бўйича ким қарорни  ким қабул қилган?

Давлат харидлари портали маълумотларига кўра, Навоий кўчаси буюртмачи томонидан мазкур кишилар томонидан кўздан кечирилган:

-А.Абдурахмонов, Тошкент шаҳар ҳокимлиги шаҳар ободонлаштириш бошқармаси етакчи мутахассиси;

– “Шаҳар марказий кўчаларидан фойдаланиш, уларни сақлаш ва таъмирлаш ихтисослаштирилган бошқармаси” жорий таъмирлаш бўлими етакчи мутахассиси А.Азани;

– “Шаҳар марказий кўчаларидан фойдаланиш уларни сақлаш ва таъмирлаш ихтисослаштирилган бошқармаси” жорий таъмирлаш бўлими бош мутахассиси О. Барноев.

Нималар қилиш режалаштирилган?

Шундай қилиб, давлат харидлари порталига кўра, асфальт-бетон қопламаларини демонтаж қилиш ва 50 мм қалинликдаги қопламани таъмирлаш режалаштирилган.

“Grand Road Tashkent” кимга тегишли

Юридик шахслар реестрига кўра, компания автомобиль йўллари ва автомагистраллар қурилиши билан шуғулланади. Grand Road Tashkentънинг 62,1 фоизи Grandway in компаниясига тегишли (Grandway İnşaat Yatırım Anonim Şirketi – Туркия компанияси). Жамият акцияларининг 37,9 фоизи Тошкент шаҳар ҳокимлиги Активларни бошқариш марказига тегишли.

Orginfo.uz сайти хабарига кўра, Grand Road Tashkent Тошкент шаҳар ҳокими Жаҳонгир Ортиқхўжаевга тегишли J-United Group компаниясининг савдо белгиси ҳисобланади.

Аввалроқ Kun.uz  нашри ҳокимлик матбуот хизмати Навоий кўчасини реконструкция қилиш қайси компанияга ишониб топширилгани ва лойиҳага қанча маблағ ажратилгани ҳақида маълумотга эга эмаслиги ҳақида хабар берган эди.

Нашр ўз манбасига таяниб, Навоий кўчасини реконструкция қилиш билан  Grand Road Tashkent шуғулланишини тасдиқлади.

15 февралда “Газета.uz” Навоий кўчасини реконструкция қилишда транспортдан фойдаланувчилар учун ҳам, пиёдалар учун ҳам ноқулайлик туғдираётган қандай носозликлар борлиги ҳақидаги таҳлилини эълон қилганди. Лойиҳада пиёдалар хавфсизлигини кучайтириш, масалан, тезликни 50-60 км/соатгача камайтириш, хавфсизлик оролларини яратиш каби талаблар ҳисобга олинмаган. Бу шуни англатадики, лойиҳа келажакда солиқ тўловчининг пули билан қайта тикланиши керак, аслида ҳамма нарсани олдиндан кўра билиш мумкин эди.

Мақола эълон қилинганидан сўнг Тошкент шаҳар ҳокимлигида матбуот анжумани бўлиб ўтди, унда Тошкент шаҳар ҳокимининг архитектура, капитал қурилиш ва коммуникацияларни ривожлантириш масалалари бўйича биринчи ўринбосари Бахтиёр Раҳмонов Навоий-Лабзак чорраҳаси бошланғич вариант сифатида реконструкция қилиниши, бажарилган ишларнинг баҳоси кейинроқ берилиши, агар керак бўлса, “қирралар” тўғирланишини, лекин лойиҳа тўлиқ ўзгартирилмаслигини маълум қилганди.