Арманистон НАТО билан ҳамкорликни кучайтирмоқда

Арманистон бош вазири Никол Пашинян ва Шимолий Атлантика альянси бош котиби Йенс Столтенберг Ереванда ҳамкорликнинг “Индивидуал тарзда ишлаб чиқилган Арманистон-НАТО ҳамкорлик режаси” деб номланган янги форматини эълон қилди. Пашиняннинг аниқлик киритишича, режа ишлаб чиқилмоқда ва Ереван унинг тезроқ маъқулланишига умид қилмоқда.

Пашинян, шунингдек, Арманистоннинг позициясини билдирди: “Биз халқаро ҳамжамиятдан, жумладан НАТОдан Арманистон ва Озарбайжон ўртасида маълум ва ўзаро келишилган тамойилларга асосланган тинчлик жараёни, шунингдек, мажбурлаш ва таҳдид сиёсатини сўзсиз рад этиш учун кучли қўллаб-қувватлашни кутамиз. ”.

НАТО бош котибининг Ереванга ташрифи Арманистон ва Россия Федерацияси ўртасидаги вазият туфайли юзага келган кескинлик фонида бўлиб ўтди. Муносабатлардаги келишмовчилик шу қадар кучайдики, февраль ойи охирида Арманистон ҳукумати бир йилдан ортиқ вақт давомида учрашувларини ўтказиб юборган мамлакатнинг КХШТга аъзолиги музлатилганини эълон қилди.