Урушга қарамай, Исроил дунёдаги энг бахтли мамлакатлар рўйхатига кирди

Йиллик World Happiness Report (“Бутун дунё бахт индекси”)га кўра, жорий йилда Исроил 133 мамлакатни ортда қолдирди ва Нидерландия, Норвегия, Люксембург, Швейцария, Австрия ва Янги Зеландиядан ўзиб кетди.

Финляндия дунёдаги энг бахтли мамлакат деб топилди, кейинги ўринларни Дания, Исландия, Швеция ва урушга қарамай, бахтли Исроил эгаллади.

Жанубий Қавказ мамлакатлари орасида Арманистон 82-ўринни, Грузия 91-ўринни, Озарбайжон эса 101-ўринни эгаллади.

Россия 72-ўринда, Украина 105-ўринда. Ўзбекистон 47-ўринни эгаллади.

Энг бахтсиз мамлакат Афғонистон деб топилди, рўйхатнинг охирги қисмида Ливан, Лесото, Сьерра-Леоне ва Конго Демократик Республикаси жойлашган.

Сўров Gallup компанияси томонидан ўтказилган. Тадқиқотнинг асосий омиллари: шахсий фаровонлик, ижтимоий ёрдам, соғлиқ, эркинлик, умр кўриш даражаси ва коррупция даражаси ҳисобланади.