Россия ОАВ Ка-32 вертолёти ёнганини тасдиқлади

Россия оммавий ахборот воситалари  қиймати 15 миллион долларгача турадиган  Ка-32 вертолёти ёндирилганини тасдиқлади. Бу ҳақда аввалроқ Украина Давлат Бош разведка бошқармаси (БРБ) хабар берган эди

Москва жануби-ғарбидаги Остафьево аэродромида Ка-32 транспорт вертолёти ёқиб юборилгани ҳақида биринчи бўлиб РБК ва Baza манбаларга таяниб хабар беради. Ёнғин 26 апрелга ўтар кечаси содир бўлган ва ўчирилган.

Икки қутқарув машинаси ёнғин содир бўлган жойга 26 апрелга ўтар кечаси, соат 03:00 атрофида етиб келган. Ёнғин майдони тахминан 30 метр квадратни ташкил этди, деб ёзади РБК. ОАВ вертолёт қанчалик жиддий зарар кўрганига аниқлик киритмади.

Россия матбуотига кўра, вертолёт Москва авиация маркази давлат муассасасига тегишли бўлиб, ёнғинларни ўчиришда фойдаланилади. Украина БРБ таъкидлашича, вертолёт “Газпромавиа” ва Мудофаа вазирлиги томонидан “Россия армиясининг операцияларини қўллаб-қувватлаш учун” ишлатилган.

Ўт қўйиш содир бўлган жойда хавфсизлик кучлари “ёнувчи суюқлик ҳиди бўлган бешта шиша ва битта пластик бутилкалар, шиналар дазмоллари, захира пойабзаллар учун сумка, бир жуфт қўлқоп ва тиканли сим бўлаклари”ни топди. Ҳолат юзасидан Жиноят кодексининг 205-моддаси (террор хуружи) билан жиноят иши қўзғатилган.