Қримда Россиянинг Ка-27 вертолёти йўқ қилинди

Қримда Россиянинг кўп функцияли Ка-27 вертолёти йўқ қилинди, деб хабар беради УНИАН.

Бу ҳақда Украина Ҳарбий-денгиз кучлари вакили Дмитрий Плетенчук маълум қилган. “Қримда Россиянинг битта КА-27 вертолётидан қутулдик. У нимадир қидирганди, топди”, — деди у.

Ка-27 вертолёти сувости кемаларини аниқлаш, кузатиш ва йўқ қилиш учун мўлжалланган. У тактик вазифаларни мустақил равишда ҳам, гуруҳ таркибида ҳам амалга ошира олади. Вертолёт қирғоқ аэродромидан ва кема бортидан ишлай олади.

Украина Бош штаби маълумотларига кўра, 10 апрель ҳолатига Россиянинг жами 325 та вертолёти йўқ қилинган.