Сиднейдаги ҳужум қурбонларининг сони олти кишига етди

Сиднейдаги теракт қурбонлари сони олти кишига етди. Гувоҳларнинг журналистларга айтишича, гавжум Сидней савдо марказида “тартибсизлик ва ақлдан озиш” ҳукм сурарди, “одамлар қичқирган, бақириқлар ва югуриш”. Савдо марказига ташриф буюрганлардан бирининг айтишича, у полициячи аёлни кўриб, унинг орқасидан эргашган, кейин эса “катта пичоқ” билан қуролланган эркак улар томон йўналганини пайқаган.

“У биз томонга юра бошлади, мен полициячи аёл унга қуролни ташлашини айтганини эшитдим. Кейин полициячи уни отди. Агар у уни отмаганида, у югуришда давом этарди, у ғазабда эди“.

Эркакнинг сўзларига кўра, бу одам “ўлдириш учун келган”га ўхшарди. Унинг ўзи тўйхона ёнида иккита жасадни, эркак ва аёл жасадларини кўрган.

Савдо марказига ташриф буюрган яна бир киши югураётган оломонни қандай кўрганини ва ўқ овозини эшитганини айтиб берди.

“Эрим бизни Adairs дўконига олиб кирди, у ерда бир аёл эшикларни қулфламоқчи бўлди, лекин қулфлай олмади, шунинг учун биз кабинетга кирдик, биз ичкаридан ўзимизни қулфлаб олдик ва полиция бизни чақиргунича ўша ерда қолдик”.