Украинага 26 та Patriot тизими керак

Ўз осмонини эҳтимолий душманлардан тўлиқ ҳимоя қилиш учун Украина 25 та Patriot зенит-ракета комплексига ёки унинг аналогига эга бўлиши керак. Бу ҳақда президент Владимир Зеленский 6 апрель куни телемарафонда эфирга узатилган интервьюсида айтиб ўтди.

“Айтишим мумкинки: Украинани тўлиқ ёпиш учун келажакда ҳар бирида олти–саккизтадан батареяга эга 25 та Patriot тизимининг  бўлиши мақсадга мувофиқ. Мен бу ҳақда ҳеч қачон гапирмаганман. Бироқ, мен бу ерда ҳеч қандай сирни кўрмаяпман, чунки бизнинг барча шерикларимиз буни жуда яхши билишади. Улар ҳатто тегишли тизимлар туриши ва ишлаши керак бўлган нуқталарни билишади. Patriot тизими ёки унинг аналоглари зарур”, – дея тушунтиради давлат раҳбари.

Унинг тан олишича, бу катта рақам, лекин Украина ҳудуди жуда катта. Бугунги кунда сиз қайси шаҳар ёки муайян объектни яхшироқ ҳимоялаш кераклигини танлашга тўғри келяпти.

Зеленский Украинада ҳаво ҳужумига қарши мудофаа ракеталари захираси борлигига ишонтирди, аммо Россия ўққа тутаётгани сабабли эртанги кунни ҳам ўйлаш керак.