Зеленский: келаси йили 1 миллион дрон ишлаб чиқарамиз

Украина президентининг айтишича, мамлакат саноати келгуси йил давомида 1 миллион дона дрон ишлаб чиқариш ниятида, деб хабар беряпти “Би-би-си” рус хизмати.

“Ғарб ҳарбий экспертларининг фикрича, учувчисиз қурилмалар Украинадаги урушда жанг олиб бориш тамойилларини анча ўзгартирган”, – дейилади хабарда.

Россия босқинининг бошида Украина дронлардан фойдаланишда устунликка эга эди, аммо кейин Россия бундай ускуналарни оммавий ишлаб чиқаришни бошлади, бу эса кучлар мувозанатини ўзгартирди.

Мутахассисларнинг фикрича, айнан дронлар туфайли икки томон қуролли кучлари кенг кўламли операцияларни ташкил этиш учун кўп сонли ҳарбий техника ва қўшинларни тўплай олмайди.