Ўзбекистон фуқаролик паспортига эга бўлган шахслар томонидан Японияга қисқа муддатли виза (90 кундан ошмаган муддатга) олиш учун ариза бериш тартиби соддалаштирилди. Япония томони Ўзбекистон Республикаси Ташқи ишлар вазирлигини бу ҳақда расман хабардор қилди.  

Ўзбекистон Республикаси Фанлар академиясининг Навоий бўлимида Идоралараро илмий-техникавий кенгаш ташкил этилади. Унинг таркибига Фанлар академияси, Олий ва ўрта махсус таълим вазирлиги ҳамда “Навоий кон-металлургия комбинати” давлат корхонасининг вакиллари киради. 

Шавкат Мирзиёев Учтепа туманига ташрифи чоғида Ватанпарвар маҳалласи ҳудудидаги «Ватанпарвар иноқ коммуналчи» хусусий уй-жой мулкдорлари ширкати фаолияти билан танишди. 2010 йилда ташкил этилган ушбу ширкат тумандаги энг намунали хусусий уй-жой мулкдорлари ширкатларидан бири ҳисобланади. 

Президент Шавкат Мирзиёев Учтепа туманидаги 1967 йилда қурилган 78-сонли мактабда бўлди. Ҳозир уни реконструкция қилиш, моддий-техника базасини мустаҳкамлаш ишлари режалаштирилмоқда. Президент мактаб билан коллежлар ўртасидаги боғлиқликни мустаҳкамлаш, хусусан, ушбу мактабда тажриба сифатида 11 йиллик таълимни қайта тиклаш, унинг қошида ўқув-касб курси ташкил этиш зарурлигини таъкидлади.

Президент Шавкат Мирзиёев пойтахтнинг Учтепа туманидаги собиқ “Сигнал” заводи базасида яратилаётган технопарк лойиҳаси билан танишди. Ҳозир 5,1 гектар майдонда қурилиш-таъмирлаш ишлари олиб бориляпти. Ҳудудда бинолар ва иншоотлар, коммуникация тармоқлари мавжуд, 2018 йилнинг биринчи чорагида турли лойиҳалар бўйича ишлаб чиқариш ускуналарини ўрнатиш ва ишга тушириш кўзда тутилган.

Амалга оширилаётган бунёдкорлик ва ободончилик ишлари, жойлардаги ижтимоий-иқтисодий ислоҳотларнинг бориши билан бевосита танишиш ҳамда халқ билан мулоқот қилиш мақсадида Ўзбекистон Президенти Шавкат Мирзиёев 16 июнь куни пойтахтнинг Учтепа туманида бўлди. Президент туманда қурилиши режалаштирилаётган маданият ва истироҳат боғининг лойиҳаси билан танишди. 

Миллий телерадиокомпания директорининг ўринбосари Бобир Алихоновнинг сўзларига кўра, биринчи бўлиб радиоканал очилади, кейин интернет-канал ва охирида телеканал ўз фаолиятини бошлайди.

Мазкур лойиҳа Марказий Осиёдаги энг йирик мажмуага айланади, уни ишга тушириш натижасида икки мингдан ортиқ доимий иш ўринлари яратилади. Умуман олганда эса, мазкур лойиҳа бўйича инвестициялар миқдори 4,5 миллиард доллардан ошади.

Ўзбекистон Республикаси Олий ва ўрта махсус таълим вазирлигининг Ўрта махсус,касб-ҳунар таълими маркази бу йил Боровский тиббиёт коллежида қабул амалга оширилмаслигини ва ушбу ўқув муассасаси ёпилиши мумкинлигини тасдиқлади. Айни пайтда ўқув муассасасини ёпиш борасида расмий ҳужжатлар тайёрланмоқда ҳамда қолган ўқувчиларнинг кейинги тақдири нима бўлиши ҳақидаги масала ҳал қилинмоқда.

Суд органлари тизимида одил судловни таъминлаш бўйича ишларнинг аҳволи, мавжуд муаммолар ва истиқболдаги вазифаларга бағишланган видеоселекторли кенгаш давомида Президент Шавкат Мирзиёев мазкур соҳадаги ишларнинг ҳолатини танқид остига олди. 

Алоқа, ахборотлаштириш ва телекоммуникация технологиялари соҳасида назорат бўйича давлат инспекцияси томонидан матбуот  мобил алоқа хизматлари истеъмолчилари ҳуқуқларини ҳимоя қилиш ва сифатли хизматлар кўрсатилишини таъминлаш мақсадида операторларнинг ойлик маълумотлари ва тармоқ сифат кўрсаткичлари таҳлил қилинган. Юқоридаги ҳолатлардан келиб чиқиб, инспекция томонидан ўтказилган таҳлил натижалари  таҳлил натижалариг кўра, шунингдек мобиль алоқа опреаторлари айб бўйича мобил тармоқ ишидаги асосланган шикоятлар асосида  мобил алоқа операторларига молиявий санкциялар (жарималар) қўлланилди.

Мамлакатнинг бош энергетиги этиб илгари узоқ вақт Ўзбекистон марказий банки раисининг биринчи ўрибосари бўлиб ишлаб келган Улуғбек Мустафоев тайинланди. У ўз лавозимидан озод этилган “Ўзбекэнерго” раҳбари Фазлиддин Саломов ўрнини эгаллади.