31 декабрь куни Тошкентда жамоат транспорти ярим тунгача, метро эса кечаси соат 1 гача ишлайди
«Тошшаҳартрансхизмат» компанияси яқинлашиб келаётган Янги йил байрамлари кунлари учун автобуслар жадвалини эълон қилди. Жорий йилнинг сўнгги кунида, яъни 31 декабрь куни автобуслар ярим тунгача ишлайди.
1 ва 2 январь кунлари автобуслар якшанба куни ишлаш учун тасдиқланган жадвал бўйича, 3 январда эса шанба кунги жадвал бўйича ҳаракатланади.
Иш куни бўлган 7 январь, яъни шанба кунида иш кунлари жадвали амал қилади.
Янги йил арафасида (31 декабрдан 1 январгача) Тошкент метрополитени бир соатга кўпроқ, яъни 0:00 ўрнига 1:00 гача ишлайди.
Дам олиш кунларида – 1 январдан 3 январга қадар поездлар якшанба жадвали бўйича – соат 5:00 дан 00:00 гача ишлайди.
Улашиш:
Шарҳлар