Мактабгача ва мактаб таълими вазирлиги “Сўнгги қўнғироқ” тадбирида вальс тақиқланмаганини билдирди

Мактабгача ва мактаб таълими вазирлигининг матбуот хизмати мактабларда “Сўнгги қўнғироқ” тадбирларини ўтказишда вальсни тақиқлаш ҳақида топшириқ берилмаганини маълум қилди. Ҳозирда тақиқ ҳақида хабар берган ўқувчи ва мактаб рақамини аниқлаш бўйича текширув олиб борилмоқда.

Аввалроқ Nemolchi.uz лойиҳаси саҳифасида пойтахт мактабларидан биридаги битирув балида вальс рақси тақиқлангани, бу рақс ўзбек менталитетига тўғри келмаслиги ҳақида маълумот эълон қилинган эди. Бу маълумот тезда ижтимоий тармоқларда тарқалди.

Ўз навбатида Nemolchi.uz сайтининг асосчиси вазирлик матбуот котибининг баёнотини ёлғон деб атади.

“Nemolchi.uz таҳририяти ўқувчининг шахси ва мактаб рақамини аниқлаш бўйича Халқ таълими вазирлигидан бизга ҳеч қандай сўров келиб тушмаганини расман маълум қилади. Бундан ташқари, агар биз ушбу сўровларни олган бўлсак, биз барибир маълумот бера олмасдик, чунки аноним шакл орқали буни билиб бўлмайди. Агар улар билган бўлса ҳам, улар барибир бу ҳақда хабар бермайди, чунки биз мурожаат қилганларга, агар улар билан бошқача келишув бўлмаса, махфийликка кафолат берамиз “, дейилади хабарда.