Президент Сардоба фожиаси ҳақида: «Сардобада бўлган офатни мен кинода ҳам кўрмаган эдим»

Источник: president.uz

Бугун, 12 октябрь куни, Шавкат Мирзиёев сайловчилар билан учрашиш учун Бухоро вилоятига келди. Айни пайтда Қоракўл туманида номзоднинг вилоят сайловчилари билан учрашуви ўтказилмоқда.

Президентликка номзод Шавкат Мирзиёев ўзининг сайловолди дастури юзасидан маъруза қиларкан, “Сардоба фожиаси” ҳақида эслади.

«Сардобада бўлган офатни мен кинода ҳам кўрмаган эдим. Мана энди гапирсам бўлади — вертолётда учиб, вазиятни ўрганиб юрибману, оқиб бораётган одамларни, дов-дарахтларга осилиб қолган болаларни кўргандим… Бу ҳам кўргулик, катта синов бўлди. Бу синовлардан нима учун ўтдик? Бирлашганимиз, забардаст бўлганимиз учун. Олот воқеасидан ҳам, Сардоба воқеасидан ҳам бирдамлик билан ўта олдик», – деди у.

Аввал биз Сардоба сув омборидаги тўғоннинг қулаши сабаблари ҳақидаги экспертларнинг фикрини чоп этгандик. РФ Табиий ресурслар ва экология вазирлиги ҳузуридаги жамоатчилик кенгашининг эксперти Игорь Шкрадюк келгусида бундай фожиаларга йўл қўймаслик учун нималар қилиш кераклигини айтганди.

 

If you have found a spelling error, please, notify us by selecting that text and pressing Ctrl+Enter.