Украина қуролли кучлари Россия қўшинлари қўмондонлик пункти мағлубиятга учраганини эълон қилди

Россия Мудофаа вазирлиги Қрим ярим оролига самолётлар томонидан бошқариладиган ракеталар билан ҳужум қилинганини маълум қилди. Россия томонидан тайинланган Севастополь губернатори Михаил Развожаевнинг айтишича, “уйга ракета парчалари келиб тушган”, натижада бир киши жароҳатланган ва ракетанинг қисмлари Песочная кўрфази ҳудудидаги тураржой бинолари яқинига тушган.

Маҳаллий аҳолидан олинган дастлабки маълумотларга кўра, портламай қолган ракета Севастополь университети яқинидаги хусусий сектор ҳудудига қулаган, деб ёзади Развожаев.

Украина қуролли кучлари Россия қўшинлари қўмондонлик пунктига зарба берилгани ҳақида эълон қилди. Украина Қуролли кучлари Ҳарбий-ҳаво кучлари қўмондони Николай Олешчук ўзининг Телеграм-каналида учувчилар ва “операцияни режалаштирган барчага” миннатдорчилик билдирган.