USAID Ўзбекистон Соғлиқни сақлаш вазирлигига сил ташҳисини қўйиш учун 30 та аппаратни тақдим этди

АҚШ Халқаро тараққиёт агентлиги (USAID) Ўзбекистон халқига туберкулёз касаллигини текширувчи 30 та аппаратни совға қилди. Республика ихтисослаштирилган фтизиатрия ва пульмонология илмий-амалий тиббиёт марказида бўлиб ўтган тантанали маросимда USAID’нинг Ўзбекистондаги Миссияси директори Микаела Мередит қиймати 381 минг долларлик ускуналарни Соғлиқни сақлаш вазири ўринбосари Улуғбек Собировга тантанали равишда топширди. Бу ҳақда Anhor.uz нашрига АҚШнинг Ўзбекистондаги элчихонаси маълум қилади.

«USAID томонидан тақдим этилган GeneXpert ускунаси инновацион технологияси, молекуляр тестларни мисли кўрилмаган тезлик ва фойдаланишда енгиллиги билан ҳамма учун қулай келади. GeneXpert диагностика усулида туберкулёзни даволашда кўп ишлатиладиган антибиотикларда бири – рифампицинга туберкулёз микобактериясининг турғунлиги аниқланади. Бу шифокорларга маълум беморни даволаш учун ҳақиқатдан ҳам самарали дори воситасини танлаш имконини беради», – дейилади пресс-релизда.

«Бугунги тадбир USAID ва Ўзбекистон ўртасидаги минтақада соғлиқни сақлаш хизматларини яхшилаш бўйича давомий ҳамкорликнинг тимсолидир. Биз Ўзбекистон ҳукумати туберкулёз касаллигини 2050 йилгача йўқ қилиш мажбуриятини ўз зиммасига олганини олқишлаймиз, бу қадам ҳукуматнинг 2021-2026 йилларга мўлжалланган туберкулёз касаллигига қарши янги Миллий Стратегиясида кўрсатилган бўлиб, 2025 йилгача туберкулёз билан касалланиш даражасини 50 фоизга ва касаллик туфайли ўлим сонини 75 фоизга камайтиришдир.  Биргаликда биз Ўзбекистон фуқароларининг саломатлиги ва фаровонлигини оширишга эришамиз», – деди Микаэла Мередит .

Тақдим этилган ускуна чекка-чеккаларда жойлашган туман лабораторияларига туберкулёзга чалинган беморлар билан ишлаш бўйича хизматларини ошириш ва аҳолининг касалликка қарши замонавий, тезкор молекуляр тестлардан фойдаланиш имкониятларини сезиларли даражада кенгайтириш имконини беради. Туман лабораторияларда ушбу янги GeneXpert аппаратлари билан жиҳозлаш орқали туберкулёзни тезроқ аниқлаш имкониятига йул очиб беради.

Қайд этиб ўтамиз, USAID ташкилоти сил касаллигига қарши курашишда 25 йилдан ортиқ Ўзбекистон ҳукуматининг ҳамкори ҳисобланади.