UzAuto Motors компанияси автомобилларни етказиб бериш муддатини яна бир бор узайтирмоқда

UzAuto Motors компанияси 2021 йил ноябрь-декабрь ойларида автомобиль етказиб берилишини кутаётган харидорлар учун етказиб бериш муддатлари узайтирилмоқда.

«Бошқача қилиб айтганда, UzAuto Motors компаниясига боғлиқ бўлмаган ҳолатлар сабабли, жаҳонда ярим ўтказгичлардан иборат бутловчилар танқислиги кузатилаётгани, глобал логистика муаммолари муносабати билан компания шартноманинг 3.1.1-бандини қўллашга ва автомобилларни етказиб беришни 3.1-бандда кўрсатилган эҳтимолий етказиб бериш санасидан яна икки ойга узайтиришга мажбур», – дейилади компания хабарида.

UzAuto Motors компанияси “ушбу чорани истеъмолчиларимиз тушунишига” умид қилади.

«Шунингдек Сизларга, муҳтарам харидорларга, ўзингизнинг узоқ кутган автомобилингизни иложи борича тезроқ олишингиз учун барча ҳаракатларни қилишга ишонтириб айтамиз», – дея хулоса қилади компания.