Япониядаги АЭСда буғ сизиб чиқиши аниқланди

Kansai Electric Power Co энергетика компанияси маълумотларига кўра, Япониянинг Хонсю оролидаги Такаҳама атом электр станцияси (АЭС) биринчи блокининг турбинали хонасида буғ чиқиши аниқланган.

Воқеа 21 январь куни кечқурун соат 23:25 атрофида станция ходими муаммони пайқаганида содир бўлган. Иккинчи контактларга сув етказиб бериш учун масъул бўлган учта насосдан бирининг ҳудудида буғ оқиши содир бўлган. Ўша пайтда фақат иккита насос ишлаётган эди. Шу муносабат билан мутахассислар учинчи насосни ишга туширишга қарор қилишади ҳамда носозлик аниқланган насос ишини вақтинча тўхтатишади. Учинчи насос соат 3:00 да ишламай қолган.

Соат 5:00да ўтказилган кўрикдан сўнг станция фаолиятида ҳеч қандай муаммо аниқланмади, бироқ келгусида хавфсизликни таъминлаш мақсадида мазкур тизим блокини тўлиқ кўрикдан ўтказишга қарор қилинди. Шу муносабат билан Такаҳама атом электр станциясида электр энергияси ишлаб чиқариш кўриб чиқиш тугагунига қадар 40 фоизга қисқариши кутилмоқда. Бироқ компания вакиллари носозлик аниқлангандан кейин радиациявий фон ўзгармаганини таъкидлашган.

Япониянинг Шика атом электр станцияси жиҳозлари зилзилалардан сўнг шикастлангани аввалроқ маълум қилинган эди.