2017 йил 5 июнь куни соат 21.30 да Россия бош вазири матбуот хизматининг сайтида Ўзбекистон бош вазири Абдулла Арипов ўзинниг россиялик ҳамкасби Дмитрий Медведев билан икки томонлама ҳамкорлик ва ўзаро алоқа масалаларини телефон орқали муҳокама қилгани ҳақидаги хабар пайдо бўлди.

Саммит давомида ШҲТга аъзо давлатлар раҳбарлари ташкилотнинг бугунги ҳолати ва уни янада ривожлантириш истиқболларини муҳокама этиши, минтақавий ва халқаро сиёсатнинг долзарб муаммолари юзасидан фикр алмашиши, 2017-2018 йилларда ташкилотга раислик қиладиган давлат масаласини кўриб чиқиши кутилмоқда.

2017 йил 4 июнь куни иш Тошкент шаҳар прокуратурасининг иш юритувига қабул қилинди. Тўпланган далиллар асосида И.Тўлаганов Ўзбекистон Республикаси Жиноий кодексининг 104-моддаси 3-қисми “д” банди бўйича  айбланувчи сифатида жалб этилди ва унга нисбатан қамоққа олиш кўринишидаги эҳтиёт чораси қўлланилди.

Республика ягона геология хизматининг яратилиши ер қаърини геологик ўрганиш, ундан фойдаланиш ва муҳофаза қилиш, шунингдек кончилик муносабатларини бошқариш соҳасида ягона давлат сиёсатини амалга оширилишини таъминлайди.

Озарбайжоннинг  SOCAR давлат нефть компанияси ва “Ўзбекнефтгаз” ўзаро ҳамкорлик тўғрисида битим имзолади, дея хабар қилади Trend. Хабарга кўра, “Ўзбекнефтгаз”нинг Озарбайжондаги фаолиятининг  эҳтимолий йўналишларини белгилаш мақсадларига қаратилган меморандум  SOCAR раҳбари Ровнаг Абдуллаев  ва  Caspian Oil & Gas 2017  XXIV халқаро кўргазмаси ва конференцияга қатнашиш учун Бокуга келган “Ўзбекнефтгаз” бошқаруви раиси Алишер Султонов ўртасидаги учрашув давомида имзоланган.

GM Uzbekistan компаниясидаги манба берган маълумотга кўра,  2018 йил 1 январдан бошлаб харидорлар ўзлари хоҳлаган комплектациядаги автомобилга буюртма беришлари мумкин. Бошқача қилиб айтганда, ишлаб чиқарувчи мавжуд опциялар асосида мижознинг хоҳишига қараб автомобиль комплектациясини ўзгартириши мумкин. 

Шу йилнинг 2 июнь куни Россия Федерациясининг А.Н.Бакулев номидаги юрак-қон томир хирургияси маркази директори, Россия Соғлиқни сақлаш вазирлигининг бош кардиохирурги, академик Лео Бокерия юртимизга ўзининг навбатдаги ташрифини амалга оширди. Ташриф давомида машҳур жарроҳ Республика ихтисослаштирилган кардиология марказининг Хоразм филиалида бўлиб, ўзбекистонлик шифокорларнинг фаолияти билан яқиндан танишган ва юртимиз мутахассислари билан ҳамкорликда юрак-қон томир касалликларининг оғир асоратли турлари билан оғриган беморларда жарроҳлик муолажаларини ҳам ўтказган.

Кўплаб телетомошабинларнинг эътиборини қозонган «Uzreport TV» телеканалини рақамли форматда узатиш вақтинчалик тўхтатилди. Сабаби оддий – трансляция хизматларини тўлаш учун маблағ йўқ. Аммо бу вазият бозор иқтисодиётининг ўзига хос жиҳатларини ва телеканал менежментидаги жиддий хатоликларни акс эттиради.

Бу ҳақда Ўзбекистон ТИВда Корея Республикасининг Фавқулодда ва Мухтор элчиси Квон Ён У билан бўлиб ўтган учрашув ҳақидаги хабарда айтилади. 

Ташриф давомида мамлакат Президенти яқинда қабул қилинган ўрмон хўжалигини ривожлантириш ҳақидаги қарорнинг аҳамиятига тўхталиб ўтди. Унинг сўзларига кўра, соҳанинг илмий ва меҳнат салоҳиятидан фойдаланган ҳолда, ўрмон хўжалиги бўйича илмий-ишлаб чиқариш марказини ташкил этиш, талабга эга маҳсулотларни етиштиришни йўлга қўйиш зарур, бу аҳолининг даромадини оширишга кўмаклашади. 

Қабул қилинган Фармонга мувофиқ Ўзбекистон Республикаси Қишлоқ ва сув хўжалиги вазирлиги ҳузуридаги Давлат ветеринария бош бошқармаси негизида мустақил Давлат ветеринария қўмитаси ташкил этилади.

Республикадаги ер ресурсларидан самарали фойдаланишни таъминлаш, қишлоқ хўжалик ерларининг маҳсулдорлигини ошириш, шунингдек тармоқ фаолиятини такомиллаштириш ва унинг моддий-техника базасини мустаҳкамлаш мақсадида Ўзбекистон Республикаси Президентининг “Ерларни муҳофаза қилиш ва улардан оқилона фойдаланиш борасида назоратни кучайтириш, геодезия ва картография фаолиятини такомиллаштириш, давлат кадастрлари юритишни тартибга солиш чора-тадбирлари тўғрисида”ги Фармони қабул қилинди.