Коллеж ўқувчиси тикувчиликни йўлга қўйди

Зулайҳо Эрматова болалигидан миллий либослар яратишга, шу йўналишда хусусий тадбиркорлик фаолиятини йўлга қўйишга жуда қизиқар эди. 

У “Камолот” ёшлар ижтимоий ҳаракати томонидан ўтказилган “Менинг бизнес ғоям” танловининг вилоят босқичида иштирок этиб, 5 миллион сўмлик имтиёзли кредит олди ва тикувчилик тармоғини ташкил этди, деб ёзади ЎзА.

Ҳозир Зулайҳо Эрматова ўз тикувчилик цехида бир неча тенгдоши билан мактаб ўқувчилари учун либослар тайёрламоқда.  

Унинг режалари катта. Яқинда бўлиб ўтган “Ёш тадбиркор – юртга мададкор” танловининг республика босқичида муваффақиятли иштирок этиб, 35 миллион сўм имтиёзли кредит олиш ҳуқуқини қўлга киритди. Бу маблағ эвазига у тикувчилик тармоғини янада кенгайтириш, ўнлаб тенгдошларини иш билан таъминлашни ният қилган.