Фарғона Олимпия захиралари коллежининг бош бухгалтери 4,3 млрд сўмни ўзлаштиришда гумон қилинмоқда

Салкам 4,5 млрд сўм пулларни “еб юборган” Фарғона вилояти Олимпия захиралари коллежи бош ҳисобчисининг кирдикорлари фош этилди, деб ёзади UzNews нашри  Бош прокуратурага таянган ҳолда ёзади.

«У эгаллаб турган лавозимдан ғараз мақсадларда фойдаланиб, 2019-2021 йиллар давомида ўзига асоссиз равишда жами 4 млрд сўм иш ҳақи ва устама ёзиб олган. Бош ҳисобчи талон-тарож қилган жами 4,3 млрд сўм маблағларни интернет тармоғи орқали қимор ўйинларига тикиб, сарф қилганлиги аниқланган», – дея қайд этади нашр.

Шунингдек, коллеж ўқитувчилари номига банк пластик карталари очиб, уларга 310 млн сўм бюджет маблағларини ўқитувчиларга билдирмасдан ўтказиб олган.

Ҳолат юзасидан бош ҳисобчи ва бошқаларга нисбатан ЖКнинг 167 (Ўзлаштириш ёки растрата йўли билан талон-торож қилиш) ва 209 (Мансаб сохтакорлиги) моддалари билан жиноят иши қўзғатилган.

Гумондорга нисбатан “қамоққа олиш” эҳтиёт чораси қўлланилган. Тергов давом этмоқда.