Kundalik компаниясиа аёллар гигиена воситаларини реклама қилиш қонунчиликка зид эмаслигини билдирди

Истеъмолчилар ҳуқуқларини ҳимоя қилиш агентлиги аралашувидан сўнг Kundalik ўз веб-сайтидан аёллар гигиена воситалари рекламасини олиб ташлашга мажбур бўлди, деб ёзади “Новости Узбекистана” нашри.

Kotex рекламаси блогер Хуршид Далиевга оғир таъсир қилган, унинг фикрича, таълимга оид сайтда бундай рекламага ўрин йўқ. Бундан ташқари, блогер электрон кундаликдан фойдаланиш пуллик эканлигини таъкидлаган.

Монополияга қарши қўмита ҳузуридаги Истеъмолчилар ҳуқуқларини ҳимоя қилиш агентлиги вазиятни ўрганиб, аёллар гигиена воситалари рекламаси ёш авлодга маънавий зарар етказиши мумкин, деган қарорга келди ва уни сайтдан олиб ташлашни талаб қилди.

Компания вазиятга изоҳ берар экан, Kundalik ижтимоий масъулиятли лойиҳа эканлигини таъкидлади. Сайтдаги реклама “Реклама тўғрисида”ги қонунга зид эмас, 6+ тоифасига тўғри келади ва фақат тасдиқланган реклама берувчилардан қабул қилинади.

Аёллар гигиенаси мавзусидаги рекламалар фақат фойдаланувчиларнинг аёллар қисмига кўрсатилди. Бундай контент тарбиявий характерга эга бўлиб, қизлар ва оналарнинг ўз соғлиғи ҳақида хабардорлик даражасини оширади, дея тушунтиради компания.

Реклама контенти мавжудлиги тўғрисидаги маълумот хизматлардан фойдаланиш бошланишидан олдин қабул қилинадиган фойдаланувчи шартномасининг 1.12-бандида келтирилган. Реклама электрон кундаликка кириш ва рўйхатдан ўтказиш учун тўловдан қатъи назар жойлаштирилади, дейилади Kundalik хабарида. Бу ҳолатда ҳеч қандай қонунбузарлик йўқ.

Бироқ компания Котех бренди билан ҳамкорликни тўхтатди. Kundalik нашрида таъкидланганидек, бу “фойдаланувчи аёллар саломатлиги мавзусининг аҳамиятини нотўғри тушуниш ва ахборот хабарини нотўғри талқин қилишнинг олдини олиш учун” қилинган.