Қирғизистоннинг 40 нафар фуқароси Россияга киритилмади

Қирғизистоннинг Россияга кириши тақиқланган 40 нафар фуқароси Москва аэропортида ватанига жўнатишини кутмоқда, деб хабар берди Қирғизистон Ташқи ишлар вазирлиги.

“Жорий йилнинг 26 март куни Қирғизистон Республикасининг Россия Федерациясидаги элчихонаси ходимлари Шереметьево (Москва) аэропортига жўнаб кетишди, унинг давомида Россия ФСБ Чегара хизмати масъул ходимлари ва “Аэрофлот” авиакомпанияси вакиллари билан учрашувлар ўтказилди. Айни пайтда 40 нафар ватандошимиз ватанга қайтишни кутмоқда”, — дейилади хабарда.

Ташқи ишлар вазирлигининг таъкидлашича, Қирғизистон фуқаролари “кейинги рейсларда” республикага етказилади. Вазирликнинг таъкидлашича, уларнинг барчаси “озиқ-овқат ва сув билан таъминланган”.

“Бу масала Қирғизистон Республикаси Ташқи ишлар вазирлиги ва республиканинг Россия Федерациясидаги элчихонаси назоратида”, — дейилади хабарда.

Россияда икки кун ичида 2,5 мингдан ортиқ муҳожир ҳуқуқ фаоллари билан боғлангани ҳақида аввалроқ ёзган эдик.