Сенаторлар давлат хизмати тўғрисидаги қонунни маъқуллади
Сенатнинг йигирма олтинчи ялпи мажлисида “Давлат фуқаролик хизмати тўғрисида”ги Қонун қабул қилинди.
Сенат матбуот хизматининг қайд этишича, ушбу ҳужжат давлат фуқаролик хизматчиларининг иш самарадорлиги ва компетенциясини баҳоловчи мезонлар, уларнинг малакасини оширишга бўлган талабларни белгилашда тўғридан-тўғри таъсир кўрсатувчи қонун ҳисобланади.
Муҳокама қилинган Қонун нормалари фақатгина давлат реестрига киритиладиган лавозимларда фаолият юритаётган давлат хизматчиларига нисбатан татбиқ этилади.
Бундан ташқари, давлат фуқаролик хизматини тартибга солишда давлат органларининг асосий ваколатлари белгиланган. Жумладан, Ўзбекистон Республикаси Президенти, Вазирлар Маҳкамаси ва бошқа ваколатли давлат органларининг давлат фуқаролик хизмати соҳасидаги ваколатлари аниқ кўрсатиб ўтилмоқда.
Қонун билан давлат фуқаролик хизмати соҳасида коррупцияга оид ҳуқуқбузарликларнинг олдини олишнинг ҳуқуқий асослари яратилмоқда, яъни давлат хизматчиларининг фаолияти энг муҳим самарадорлик кўрсаткичлари (КPI) асосида баҳоланиши қатъий белгиланмоқда. Коррупцияга оид жиноятларни содир этган шахслар давлат фуқаролик хизматига қабул қилинмайди.
If you have found a spelling error, please, notify us by selecting that text and pressing Ctrl+Enter.
Тавсиялар
ЕИ элчилари Россиянинг музлатилган активларидан олинган маблағларнинг Украинага берилишини маъқуллади
Ўзбекистон ва Мўғулистон ташқи ишлар вазири ўринбосарлари учрашди
Буюк Британия Россиянинг ҳарбий атташесини мамлакатдан чиқариб юбормоқда
Хива деҳқон бозори ва Хива универал савдо комплекси янги биноларга кўчирилади. Буни Хива шаҳри ҳокими ўз назоратига олади
Сурхондарёда сертификатсиз маҳсулот сотган "метан" жаримага тортилди
USD
EUR
RUB
Шарҳлар